गारगोटी, ता. १३ : राधानगरी, भुदरगड व आजरा तालुक्यांतील मागासवर्गीय समाजाकरिता समाजमंदिर, अंतर्गत रस्ते, गटर्स, सुशोभीकरणासह विविध विकासकामांकरिता ११ कोटी १९ लाखांचा निधी मंजूर झाला. डॉ. बाबासाहेब आंबेडकर जयंतीचे औचित्य साधून उद्या (ता. १४) वाघापूरला ४० लाख खर्चून उभारलेल्या समाजमंदिराचे लोकार्पण होईल, अशी माहिती आमदार प्रकाश आबिटकर यांनी दिली.
विविध योजनेतून राधानगरी भुदरगड व आजरा तालुक्यातील मागासवर्गीयांच्या विकासासाठी 11 कोटी 19 लाख मंजूर केले. तीन तालुक्याच्या ठिकाणी बुद्धविहारासाठी पाच कोटी प्रमाणे 15 कोटींची निधी प्रस्तावित आहे. भुदरगड तालुक्यातील फणसवाडीत मागासवर्गीयांना वस्तीग्रह बांधण्यासाठी 47 कोटींचा निधी प्रस्तावित केला असल्याचे सांगितले. दरम्यान, वाघापूर येथील समारंभ सरपंच बापूसो आरडेसह ग्रामपंचायत सदस्य व समाजबांधव उपस्थित राहतील असे त्यांनी सांगितले
