गडहिंग्लज (जिल्हा कोल्हापूर) - हलालच्या आर्थिक जिहादप्रमाणे मुसलमानांच्या वक्फ बोर्डाकडून लॅण्ड जिहाद चालू आहे. वक्फ बोर्डाला या कायद्याच्या माध्यमातून हिंदूंचे घर, दुकान, शेती, भूमी आणि धार्मिक स्थळे यांसह सरकारची संपत्ती बळकवण्याचे पाशवी अधिकार देण्यात आले आहेत. देशातील आणि महाराष्ट्र राज्यातील अनेक जिल्ह्यात हिंदूंची अशी भूमी ‘वक्फ बोर्ड’ गिळंकृत केली आहे. वर्ष 2009 मध्ये वक्फ बोर्डाकडे 4 लाख एकर असलेली भूमी आज 8 लाख 60 हजारहून अधिक एकर भूमी झाली आहे. एवढी भूमी वक्फ बोर्डाकडे कशी आली ? भारत सरकारच्या ‘भारतीय सेने’कडे सर्वाधिक 18 लाख एकर भूमी, तर ‘भारतीय रेल्वे’कडे 12 लाख एकर भूमी आहे. या दोघांच्या नंतर देशभरात तिसरी सर्वांत मोठी संपत्ती वक्फ बोर्डाकडे आहे. वक्फ कायदा रहित केला नाही, तर काही वर्षांत भारतातील सर्वाधिक भूमी वक्फ बोर्डाची झालेली असेल. कोल्हापूर जिल्ह्यातही असे प्रकार होत असल्याचे समोर येत आहे. तरी भारतात चालू असलेला सर्वांत मोठा ‘लॅण्ड जिहाद’रूपी ‘वक्फ कायदा’(काळा कायदा) रहित करा, अशी एकमुखी मागणी 19 एप्रिल 2023 ला गडहिंग्लज येथे छत्रपती शिवाजी महाराज पुतळा, बसस्थानकाशेजारी झालेल्या हिंदु राष्ट्र-जागृती आंदोलनात करण्यात आली.
या प्रसंगी हिंदु जनजागृती समितीचे आदित्य शास् त्री म्हणाले, ‘‘काँग्रेस सरकारने ‘वक्फ बोर्ड कायद्या’त केलेल्या सुधारणेमुळे हिंदू, ख्रिश्‍चन, शीख, बौद्ध आणि अन्य गैरमुसलमानांची कोणतही संपत्ती ही वक्फ बोर्डाची संपत्ती म्हणून घोषीत करण्याचे अत्यंत भयानक अधिकार मिळाले आहेत. तामिळनाडूतील तिरुचिरापल्ली येथील तिरुचेथुरई हे संपूर्ण गावच वक्फ बोर्डाची संपत्ती घोषीत झाल्याची धक्कादायक घटना नुकतीच उघडकीस आहे. या गावातील 2000 वर्षांपूर्वीचे मंदिरही वक्फ बोर्डाने त्यांची संपत्ती म्हणून घोषित केले आहे, ही धोक्याची घंटा आहे, हिंदूंनी जागृत व्हायला हवे. ’’ या वेळी हिंदु जनजागृती समितीच्या सौ. विजया वेसणेकर यांनीही त्यांचे मनोगत व्यक्त केले. या प्रसंगी गडहिंग्लज भाजपा विस्तारक श्री. संदीप नाथबुवा, श्री शिवप्रतिष्ठान हिंदुस्थानचे धारकरी, श्री. मनोज पोवार, शिवसेनेचे श्री. सागर कुराडे, नरेंद्र महाराज संप्रदायचे श्री. गंगाधर जमदाडे, माजी फौजदार श्री. पांडुरंग चौगुले, सेवानिवृत्त पोलीस उपअधीक्षक श्री. शिवाजी माने यांसह विविध हिंदुत्वनिष्ठ संघटना, पक्ष यांचे पदाधिकारी, कार्यकर्ते उपस्थित होते.
