आज आयपीएल २०२३ च्या १२ व्या सामन्यात, पाच वेळा चॅम्पियन मुंबई इंडियन्सचा सामना चार वेळा चॅम्पियन चेन्नई सुपर किंग्जशी होणार आहे. या सामन्याला आयपीएलचा ‘एल क्लासिको’ देखील म्हटले जाते, कारण दोन्ही लीगचे सर्वात यशस्वी संघ आहेत. एल क्लासिको हा स्पॅनिश शब्द आहे, ज्याचा अर्थ उत्कृष्ट आहे. स्पॅनिश फुटबॉलमध्ये, बार्सिलोना-रिअल माद्रिद सामन्याला एल क्लासिको म्हणतात, कारण दोन्ही लीगामधील सर्वात यशस्वी क्लब आहेत.
हिटमॅन रोहित शर्मा आयपीएच्या १६व्या हंगामामध्ये फलंदाज आणि कर्णधार म्हणून सुधारण्यास उत्सुक आहे. मुंबईला पहिल्या सामन्यात रॉयल चॅलेंजर्स बंगळुरूविरुद्ध पराभवाला सामोरे जावे लागले होते. वानखेडे स्टेडियमवर चेन्नईविरुद्धच्या सामन्यात विजयी ट्रॅकवर परतण्याचा मुंबईचा प्रयत्न असेल. मात्र, घरच्या प्रेक्षकांसमोर संघावर अतिरिक्त दबाव असेल.
