गडहिंग्लज : अखिल भारतीय किसान सभेचे कार्यकर्ते एस. एम. पाटील-भडगावकर यांच्या पहिल्या स्मृतिदिनानिमित्त रविवारी (ता.९) कार्यकर्ता मेळावा होणार आहे. स्वयंवर सांस्कृतिक भवनमध्ये सकाळी दहाला मेळावा होईल. यावेळी एस. एम. पाटील गौरव ग्रंथाचे प्रकाशन केले जाणार आहे. मार्क्सवादी कम्युनिस्ट पक्षाचे राज्य सचिव डॉ. उदय नारकर यांच्या हस्ते प्रकाशन होईल. अखिल भारतीय किसन सभेचे राज्य अध्यक्ष उमेश देशमुख, सिटूचे सचिव प्रा सुभाष जाधव, पार्वती पाटील यांची प्रमुख उपस्थिती आहे. मेळाव्याला उपस्थित राहावे, असे आवाहन ॲड. दशरथ दळवी, डॉ. दत्ता पाटील, सुरेश पोवार यांनी केले आहे.