उत्तूर, ता.१९ : महाविकास आघाडी सरकारने बंद केलेली जलयुक्त शिवार योजना शिंदे-फडणवीस सरकारने पुन्हा सुरु केली आहे. ही योजना प्रभावीपणे राबविणार, असे प्रतिपादन भाजप जिल्हाध्यक्ष समरजितसिंह घाटगे यांनी केले. आर्दाळ ( ता. आजरा) येथे ४९ लाखांच्या विकासकामांचा प्रारंभ व बांधकाम कामगारांना साहित्य वाटपप्रसंगी ते बोलत होते. अध्यसस्थानी सरपंच रूपाली पाटील होत्या.
या वेळी अंगणवाडी इमारत बांधकाम दहा लाख,शाळादुरुस्ती सात लाख ,दलितवस्ती सव्वा चार लाख, जनसुविधा सात लाख, पाणी योजना सोलर सिस्टीम साडेएकोणीस लाख व पथदिवे सोलर प्रकल्प सव्वा लाख अशा ४९ लाखांच्या कामांचा प्रारंभ झाला. यावेळी घाटगेंचा सरपंच रुपाली पाटील यांच्याहस्ते सत्कार झाला. जनार्दन निऊंगरे, शिवाजी गुरव, प्रताप पाटील, विठ्ठल उत्तूरकर, सूर्यकांत पाटील, शिवाजी जाधव यांची भाषणे झाली. करंबळी सरपंच अनूप पाटील, संदीप गुरव, बाजीराव खोत, आतिषकुमार देसाई, उपसरपंच विद्याधर गुरव, विठ्ठल पोवार, अंबाजी तोरस्कर उपस्थित होते. रवींद्र पाटील यांनी स्वागत, संपतराव देसाई यांनी आभार मानले.
