हलकर्णी : स्त्री शिक्षणाचे प्रणेते महात्मा ज्योतिराव फुले व भारतीय घटनेचे शिल्पकार डॉ. बाबासाहेब आंबेडकर यांच्या जयंतीनिमित्त हलकर्णी येथे विविध कार्यक्रमांचे आयोजन करण्यात आले आहे. यानिमित्त विविध स्पर्धा तसेच महामानवांची मिरवणूक काढण्यात येणार आहे.
जयंती कार्यक्रमानिमित्त गुरुवार दि. १३ रोजी सकाळी मुलींच्या मॅरेथॉन स्पर्धा होणार असून यासाठी अनुक्रमे २ हजार १ रुपये, १ हजार ५०१ रुपये, १ हजार १ रुपये बक्षिसे देण्यात येणार आहेत. याचबरोबर हातात कासरा धरून बैल पळवणे स्पर्धेसाठी अनुक्रमे १ हजार ५०१ रुपये, १ हजार १ रुपये, ७५१ रुपये अशी रोख
बक्षिसे ठेवण्यात आली आहेत. दि. १४ एप्रिल रोजी सकाळी महात्मा फुले यांच्या प्रतिमेचे पूजन, तसेच हसुरवाडी येथील डॉ. बाबासाहेब आंबेडकर यांच्या पुतळ्यास दुग्धाभिषेक करण्यात येणार आहे. मोटरसायकल ₹ लीने भीम ज्योत आणली जाणार आहे. सायंकाळी महामानवांच्या प्रतिमांची मिरवणूक काढण्यात येणार आहे. रविवार दि. १६ रोजी जनरल घोडा, पंचक्रोशी बिनदाती बैलगाडी, पाडा बैल बैलगाडी, एक घोडा एक बैल शर्यती होतील. जनरल बैलगाडी शर्यतीसाठी अनुक्रमे १५ हजार १ रुपये, १० हजार १ रुपये, ७ हजार १ रुपये अशी बक्षीसे ठेवण्यात आली आहेत. रविवारी सायंकाळी ७ वाजता 'खेळ पैठणीचा' या कार्यक्रमाचे आयोजन केले आहे.
