चंदगड , ता .५ : तालुक्याच्या दक्षिण भागात जेलुगडे, मोटणवाडी परिसरात धुमाकूळ घालणारा हत्ती आज दुपारच्या वेळी पार्ले धनगरवाड्यावर आला आणि त्याला पाहून ग्रामस्थांची तारांबळ उडाली. अनेकांनी घरांचे दरवाजे बंद करून गप्प बसणे पसंद केले. मात्र, कोणतेही नुकसान न करता तो शांतपणे निघून गेला आणि ग्रामस्थांनी सुटकेचा नि:श्वास टाकला. ऐन भातकापणी आणि मळणीच्या हंगामात हत्तीचा वावर शेतकऱ्यांसाठी भीतीदायक ठरला आहे.